من خلال ما قرأت أو ما درست
حفظت تواريخ مهمة لحقبة من الزمن مر
لم يكن بإستطاعتي طرح عديد التساءلات
سيدي (ة) صعيب (ة)
نظرة واحدة تذوب تحت الطوالة
و تعقبها طريحة من عند العائلة
باردة و سخونة
هوكة طريحة التوبة
كان الشغل الشاغل العدد
أضمن العدد فوق المعدل للنجاح و السلام
من غير تكسير رأس
كلام الكبار لا يناقش
الحاصل النقاش مباحا في الفلسفة
و غني يا طير و رد على جناحك
قالك الدين يتمثل في الكنيسة
و الكنيسة مسكرة وفق طقوسا معينة
عاثت فسادا و حكمت بأحكامها
حتى ثارت عليها العباد
حينها كنت أستغرب حاجة واحدة
كيف لا يسمح لرهبانها بالزواج ؟
الناس الكل تعرس و تنجب ..... كما عندنا بالصيف
ياخي هذومة بشر و إلا لا ؟
لا قالك ناس أخرى أسمى من ذلك
عجب ؟
يعني بقية الخلق يرتكب خطيئة
هم فقط الأسمى
الحاصل حوار بيناتنا سخون شوية
آش شكون يضمن خلف الأسوار ما يصير شيء
لا لا حرام تفكر كيما هكة
يا ولدي الخدمات مختلفة
إجتماعية و روحية
و هوب صارت الثورة في فرانسا
تلتها إرتدادت و تموجات دامت مدة
لتهتدي في النهاية الى الثورة الصناعية
جلبت لهم الثراء و الرخاء
هذا كلو و نسينا إستعمارهم للشعوب الضعيفة
و ما أدراك من نهب الثروات و العباد
الحكاية دامت مدة كبيرة
كل واحد و زهرو
ما أقلش من خمسين عاما
وصل البعض لمائة و خمسون عاما
و في الآخر خرجوا
هكة خرجوا بسهولة
قالك لا
النضال الشعبي و المطالبة بالإستقلال
حاجة هايلة
راهم جدودنا رجالا و نساءا يعول عليهم
باهي ياسر
الحديث الكل على الإنجازات
و لا خبر على الإسلام
في كل بقعة زاوية ولي صالح
يزورنه كل مرة
يتبركون به
و دائما المقبرة قريبة منه
لا بل قل هو في وسطها
حاجة و أحويجة
باهي كيف خرج علاش ما تبدل شيء
نفس النظام
بونجور في النهار
و بونسوار بعد العاشرة ليلا
علاش برامج التعليم تحكي عليهم و إنجازاتهم
قالك أنتم إخترعتو الصفر تكتفو به
على الاقل فمة حويجة
باهي الطب موش إبن سينا عمل و طلع برشا إحوايج
لا لا لولا مستر فلان لما كان ،،،،
باهي في هاك الوقت أين هم علماء الأمة
قالك يخدموا "كتاب"بالعربي
هذاك علاش العقود قبل غالطة و غير موثقة
يعني الواحد يعرس بعقد
ورقة يحتفظ بها بجيبه
و إذا حب يبدل يبدل
هكة بسهولة
تجراب معناها
يا والله احوال
زيد حكاية "الحروز"
من الصغير اللي عنده بوناغوط عفاكم الله
للي حب على وحدة و يجري في جرتها
و الامثلة عديدة
حاجة وحدة في هاك الوقت لم يتفطنوا للكنوز
لا هم
لا الإستعمار
كل واحد يغرم في زمانه
الحاصل تاريخ أظلم أسود ما فيه ما يتشاف
في النهاية
ظهر بالكاشف عدم قدرة الإستعمار تحمل
ضربات المناضلين
الفاتورة غالية برشة
حتى جاب الطليان و الأجناس الكل
النافع ربي
من جملة ما ذكروا
شيد زاويات جمع زاوية
و جاب زوجته و زار بزردة
من بعد تبعوه العرب
و هوما اتباعه لا غير
قوادة و طحانة حاشاكم
يا والله أحوال
التغييب هذا عندو سر
ما هوش بلاش
خايفين منو يرعشو
و كل مرة حكاية و رواية
ملا فيق على روحك ،،،،،،
